முன்னுரை

Sevanthi durai

நிகரில்லா வானவில் எழுத்தாளர்
Staff member




கை சேராயோ கனவே.. அடுத்த தொடர்கதை நட்புக்களே..

மீரா யாரையும் மதித்தது கிடையாது. அனைவரையும் எடுத்தெறிந்து பேசுபவள். யாரிடமும் நல்ல பேர் எடுக்க விரும்பவில்லை அவள். வீட்டில் இருந்தோர் கூட அவளை திமிர்க்காரி என்றுதான் திட்டுவார்கள்.

அடங்கவே பிடிக்காதவள் பெட்டி பாம்பாக சுருங்குவது மகிழனிடம் மட்டும்தான். பல வருட காதல் அவர்களுடையது. எட்டாவதிலிருந்து காதல் என்றுச் சொல்லி தன் அக்காவிடம் கூட வாங்கி கட்டிக் கொண்டவள்தான் இந்த மீரா.

அனைவரிடம் ஒரு மாதிரி நடப்பவள் மகிழனிடம் மட்டும் வேறு மாதிரி இருப்பாள். அவளின் உலகமே அவன் மட்டும்தான் என்று பித்து பிடித்தார் போல காதலித்துக் கொண்டிருந்தாள்.

மகிழனுக்கு இவளை அதிகம் பிடிக்கும். இவளுடனான காதலை பொக்கிஷம் போல சேர்த்து வைத்திருந்தான்.

ஆனால்..

வாழ்க்கை எப்போதும் மகிழ்ச்சியோடு மட்டுமே நகர்வது இல்லை. அவர்களின் காதல் கண்டு யாரின் கண் பட்டதோ.? இல்லை வாழ்வே விளையாட நினைத்ததோ.?

அவன் பிரிந்தான் விதியால். அவள் பிரிந்தாள் சதியால்.

நீயின்றி நான் இல்லை என வாழ்ந்த இரு ஜோடி புறாக்கள் அவை.

விதியால் பிரிந்தவன் பிரிவின் காரணம் சொல்லிச் சென்றிருக்கலாம். பிரிவின் வேதனையை தாங்க இயலாமல் கதறிக் கொண்டிருந்த மீரா தன் வாழ்வில் இப்படி ஒரு சதி நடக்கும் என்று கனவில் கூட நினைக்கவேயில்லை.

பிரிந்து சேருகையில் காதல் அப்படியே இருக்கலாம். ஆனால் வாழ்க்கையும் அப்படியே இருக்குமா.?

சேருவார்களா இருவரும்.? ஆனால் அவளின் உடைந்த மனம் ஒட்டுமா.? இவனின் நிலைதனை அவள் புரிந்துக் கொள்வாளா.? அவளின் வேதனையைதான் இவனால் மாற்றி அமைக்க முடியுமா.?

முதல் எபிசோட்.. விரைவில்..
 
Top
All rights reserved by nigarilaavanavil.com
Site Made with by SMMTN